Megjithëse moderatorja Luana Vjollca është munduar ta mbajë të fshehtë lidhjen e saj me Krenar Çoçajn, Getoari s’ka mundur të mos tregojë herë pas here marrëdhënien e mirë që ka me baxhanakun e tij.

Shpeshherë Krenarin e kemi parë në poza me Getoarin dhe gjithashtu çiftet janë fotografuar në shoqërinë e njëri-tjetrit teksa shkonin me pushime së bashku.

Duket se veçse baxhanakë, Getoari dhe Krenari janë edhe shokë shumë të mirë, të cilët dalin edhe të pashoqëruar nga dy motrat Vjollca.

Së fundmi, ata janë fotografuar duke drekuar në një restorant në Tiranë, teksa ndodheshin edhe në shoqërinë e dikujt tjetër.

Ata janë ulur përballë njëri-tjetrit, siç mund ta shihni në fotot e publikuara nga “Newsbomb”.

Kujtojmë se Krenari u filmua pranë Luanës gjatë ditëlindjes së moderatores, ku festuan me miq e familjarë deri në orët e para të mëngjesit.